बरिष्ठ उद्यमी एवं बैंकर नुरप्रताप जंगबहादुर राणाको ८२ वर्षको उमेरमा निधन

9:51 AM

११ चैत, काठमाडौं – बरिष्ठ उद्यमी एवं बैंकर नुरप्रताप जंगबहादुर राणाको ८२ वर्षको उमेरमा निधन भएको छ । क्यान्सरबाट पीडित नुर प्रताप राणाको भारतको नयाँ दिल्लीमा उपचारको क्रममा निधन भएको हो ।

स्वर्गीय राणा चर्चित गोल्ड स्टार जुत्ता र हात्तीछाप चप्पलका मालिक हुन् । उनी कुमारी बैंकका पूर्वअध्यक्ष समेत रहेका थिए । कुमारी बैंकलाई यो अवस्थासम्म ल्याउन उनको ठूलो भूमिका रहेको थियो ।

नेपालमा गोल्डस्टार जुत्ता र हात्तीछाप चप्पल लोकपि्रय रहेका छन् । गोल्डस्टार जुत्ता विदेशमा समेत निर्यात हुँदै आएको छ । स्वदेशी जुत्ता चप्पल उद्योगलाई अहिलेको अवस्थासम्म डोर्‍याउने श्रेय पनि स्वर्गीय राणालाई नै जान्छ ।


स्वर्गीय राणाको लगानीमा अन्य ठूला उद्योगहरु समेत सञ्चालनमा रहेका छन् । उनको लगानीमा युनिभर्सल फार्मस्युटिकल्स औषधि उद्योग र त्रिशुल ग्याँस समेत सञ्चालनमा छ ।

You Might Also Like

0 comments